Museyo de Bellas Artes de Zaragoza.
Iste museyo estió declarau Molimento Nazional en 1962.
En él podemos trobar as siguiens obras de Goya:
Carlos IV y María Luisa de Parma, os dos son olios sobre lienzo (estopazo) de dimensions 152 x 110 zm. y pintaus en 1789, buen esponén de Goya como pintor de cambra d'os reis españols.
Fernando VII, con os siñals reyals, de cuerpo antero tornau enta la dreita (280 x 125 zm.), ye a ripresentazión d'un monarca
que identifica a suya presona con a istituzión, con o que se chustifica o poder que detenta la suya presona.
A pose teyatral y as ropas ostentosas suposan una intenzionalidá propagandistica, una busca de prestixio de qui encarga o treballo. Goya
se repunta a reblar debán d'iste ofizialismo falso.
Espezial menzión merexe o chuego de luzes por meyo d'o cualo destaca la capa roya sobre o fundo escuro.
Ye propriedá d'a Canal Imperial d'Aragón.
Ritrato de cuerpo antero de José Miguel de Carvajal y Vargas, Duque de San Carlos (280 x 125 zm), pintau en 1815.
A pinzelada ye curta y densa, y en ocasions muito suelta, como en a faxa.
Ye por obras como ísta, por as que se considera a Goya precursor de corriens posteriors.
Ritrato de Dama con Mandiata (61 x 51 zm.), pintau en 1815-24.
Se trata d'un retrato de busto d'una dama d'aire maxestuoso y funda güellada.
Capeza d'ombre con chapero (32 x 53 zm.), pintau en 1774-75.
Ista obra s'achudica nomás que a "Escuela Aragonesá", anque ista tela ha estau a sobén considerada como autorritrato de Goya.
O Museyo de Zaragoza aloxa obras de caballet a l'olio con tematica relixiosa.
- Ritrato de Ramón de Pignatelli de cuerpo antero, pintau en 1790. Teunica: lienzo a l'olio.
- O Suenio de San Chusé (130 x 95,5 zm.), pintau en 1771. San Chusé duerme y un arcánchel le da la notizia de l'estau d'a Birchen María.
- A Muerte de San Francho Chabier (78 x 52 zm.), pintau en 1775-80. Destaca o rostro moribundo, feito con firmes pinzeladas que l'adotan de poderosa espresibidá, o mesmo que as mans entrecruzadas sobre o cruzifixo.
- A Birchen d'o Pilar en gloria (78 x 52 zm.), pintau en 1775-80.
Presenta una gloria d'a Birchen rodiada d'anchels. Arredol d'ella bi ha querubíns boladors y en a parti baxa tres anchelez la soxetan. - San Luis Gonzaga meditando en o suyo estudiet debán d'un cruzifixo (261 x 160 zm.), pintau en 1781-85.
En iste cuadro s'achuntan composizión y simbolismo.
O santo se mira o Cristo que agafa, pero lo sostiene embolicando-lo en un blanco pañuelo, que sinifica la pureza y a protezión fren a o tauto umano.
Sobre a obra grafica, o Museyo poseye fundos muito importans. Goya emplegó a ormino as planchas metalicas en bueito (punta ixeca, auguafuerte, auguatinta y 'mezzotinta') y a litografía (plano sobre piedra calsinosa).
- Os "Caprichos" (Conzietos): 80 auguafuertes con auguatinta y efeutos con esbirador. Reyalizaus entre 1792 y 1797.
- Os "Desastres de la Guerra" (Esferras d'a Guerra): 82 estampas a l'auguafuerte-auguatinta. Reyalizaus dende 1810 dica 1820.
- A "Tauromaquia": teunica muito eboluzionada, más rica y con más matizes que as atras. Emplega auguatinta y auguafuerte con punta ixeca u buril. Se'n fazioron dos tiradas: en 1816 de 33 estampas y en 1876 de 8 estampas que corresponden a rebersos de matrizes.
- Os "Disparates" (Barucas) u "Proverbios" (Mazadas): 22 piezas d'auguafuerte-auguatinta, reyalizadas entre 1820 y 1823.
- Os "Toros de Burdeos": 4 orixinals ta os que Goya se sirbe d'a litografía, imbentada a fins d'o sieglo XVII. Reyalizaus en 1825, se publican en a mesma añada.
Besite o Museyo de Bellas Artes de Zaragoza.
Inizio © 1996-2021 Chabier Mendivil, Aragón - Europa.Traduzión: Antón Chusé Gil. CRICA.
O trabayo de Goya en Aragón se puede siguir en os siguiéns puestos:
Goya en Calatayud. Zaragoza.
Museyo de Bellas Artes de Zaragoza.
Museyo Probinzial de Uesca.
Basilica d'a Nuestra Siñora d'o Pilar.
A Cartuxa d'Aula Dei.
Palazio Arzebispal de Zaragoza.
Ilesia Parroquial de Remolinos.
Muel: Armita d'a Nuestra Siñora d'a Fuen.
Atras obras d'intrés en Aragón.
Goya en Aragón. Museyo de Bellas Artes de Zaragoza. Aragón ye ansína, Museyo Zaragoza
Copyright 1996-2023 © All Rights Reserved Javier Mendívil Navarro, Aragón (España)
Si creyes que manca cualcosa, u ye entibocau escríbenos
Aviso Legal. Ista autibidá de l'Asoziazión Aragón Interautibo y Multimeya
Ye una faina d espardidura de Aragón en Internet.
L'Augua en Aragón, una promesa d'esdebenidero
Para saber cómo utiliza Google la información de sitios web o aplicaciones de este sitio puedes visitar: Política Cookies.